Test uw kennis van het Twents in de streektaalcolumn van Bert Wolbert: Biejmeeskes, zee ze drok vleegen

‘Zoef’, rakelings vlӧg het vӧggelke langs mie hen, het nustkäske in en dan, ‘tjiep, tjiep, tjiep’ en doarnoa der weer oet. Ik zit vandaag, umdat het weer der schier oetzӧt, boeten op de eerste riege. Het bint de biejmeeskes, dee bie ouns achter ‘t hoes drok an het weark bint. Zee brengt ear acht jongen groot en bint tehoap gangs ze te voeren met wӧrmkes, spinnkӧp, luus en wet ik wal wat ze vret.